http://myup.ir/images/90587654725366383602.jpg

یاریما اولسون سلام


قوی کی دییم بی کلام

ایستییرم من سنی

ایسته منی والسلام




خنجریمی باغلارام

دوشمانلاری داغلارام

یادیما یار دوشنده

اوشاق کیمی آغلارام




خومارام گوزلریندن

دویمادیم سوزلریندن

بیلسیدیم آیریلیق وار

اوپردیم گوزلریندن




گل منی قویوب گئتمه

نار كیمی سویوب گئتمه

وور قیلینجی بوینوما

سرگردان قویوب گئتمه




من عاشیقام نه سازدی

نه صحبتدی ، نه سازدی

بو جانیم سنه قوربان

دئمه كئیفم ناسا زدی